8 наурыз – Халықаралық әйелдер күні мереке қарсаңында мектебіміздің Даналық мектебінің “Әжелер мектебі” мен “Аналар мектебі” мүшелерінің қатысуымен мерекелік кездесу өтті. Асыл әжелеріміз бен аяулы аналарымыздың құрметіне әдемі дастархан жайылып, мектеп директорының м.а. А.Т.Бейсенбинаның құттықтау сөзі мен жылы лебізі білдірілді. “Даналық мектебінің” жетекшілері Н.С.Сапарова және Еркинбекқызы Ж. ұйымның мақсат-міндеттерімен, атқарылған іс-шаралар туралы және де алдағы жоспарларымен таныстырып өтті. Мерекелік іс-шарамыз оқушылардың әсем әндері мен көңілді заманауи билерімен, бейне құттықтауларымен жалғасын тапты.